ເຢຍລະມັນ ມີແຜນຈະຕິດຕັ້ງລູກສອນໄຟ ປ່ອຍນຳວິຖີຈາກອາກາດສູ່ພື້ນ
ອີງຕາມການລາຍງານຂອງສຳນັກຂ່າວເຈນລະບຸວ່າ: ລັດຖະບານເຢຍລະມັນ ອອກມາເປີດເຜີຍໃນອາທິດທີ່ຜ່ານມາວ່າ: ທາງ
ກອງທັບເຢຍລະມັນ ມີແຜນຈະຕິດຕັ້ງລູກສອນໄຟປ່ອຍນຳວິຖີຈາກອາກາດສູ່ພື້ນລຸ້ນ MBDA Brimstone ໃສ່ກັບເຄື່ອງບິນຂັບ
ໄລ່ລຸ້ນ Eurofighter Typhoon ໃນຈຳນວນ 274 ລູກ.
ເນື່ອງຈາກລູກສອນໄຟລຸ້ນນີ້ ມີຜົນເສຍຫາຍຂ້າງຄຽງຕໍ່ເຄື່ອງບິນໜ້ອຍ. ລູກສອນໄຟປ່ອຍນຳວິຖີລຸ້ນ MBDA Brimstone
ຈະນຳເຂົ້າມາຕິດຕັ້ງໃສ່ກັບເຄື່ອງບິນຂັບໄລ່ລຸ້ນ Eurofighter Typhoon Tranche 2 ຈຳນວນ 70 ລຳ ແລະ ເຄື່ອງບິນຂັບໄລ່
ລຸ້ນ Eurofighter Typhoon Tranche 3 ຈຳນວນ 31 ລຳ ແລະ Eurofighter Typhoon Tranche 4 ຈຳນວນ 38
ລຳ ທີ່ມີປະຈຳການໃນກອງທັບເຢຍລະມັນ.
ເຖິງແມ່ນວ່າລາຍງານຍັງບໍ່ໄດ້ລະບຸລະອຽດກ່ຽວກັບເອກະສານງົບປະມານ ແລະ ມາດຖານຂອງລູກສອນໄຟປ່ອຍນຳວິຖີອາກາດສູ່
ພື້ນລຸ້ນ MBDA Brimstone ກໍຕາມ, ແຕ່ແຫຼ່ງຂ່າວລະບຸວ່າ: ໜ້າຈະເປັນລູກສອນໄຟປ່ອຍນຳວິຖີລຸ້ນ MBDA Brimstone 3A,
ເປັນລຸ້ນໃໝ່ຫຼ້າສຸດທີ່ ກອງທັບແອັດສະປາຍ ແລະ ກອງທັບອັງກິດນຳມາຕິດຕັ້ງໃສ່ເຄື່ອງບິນຂັບໄລ່ລຸ້ນ Eurofighter Typhoon ທີ່
ຜະລິດ ແລະ ອອກແບບຮ່ວມກັນຂອງສອງປະເທດ. ລູກສອນໄຟລຸ້ນ MBDA Brimstone 3A ສ້າງຂຶ້ນມາເພື່ອຈະນຳມາທົດແທນ
ລູກສອນໄຟລຸ້ນ MBDA Brimstone 2 ທີ່ມີປະສິດທິພາບຕ່ຳກວ່າ.
ແຫຼ່ງທີ່ມາ: ໜັງສືພິມກອງທັບ
ວັນທີ 31/01/2024